أمثال تونسية شعبية !!

أًعمِلْ الخير و أرمي في البحر

أَعملْ الخيرْ و انساهْ و اعْمل الشّر و اتفكرو
اعمل كيف جارك والا حول باب دارك
أخطا راسي وأضرب
آش ايقول الميت قدام غاسلو



الصبّاط باللهجة التونسية يعني الحذاء. في الصورة، أحذية تقليدية تونسية من سوق البلاغجية.
إلّي والفْ بالحْفى, ينسى صبّاطو
من يعتاد المشي حفياً على الأقدام، ينسى حذائه
إلّى خلّى النْباتْ, ما ماتْ
إذا تحب تعلّم ولدك الكلام, حطّو صانع حجّام
إذا كان الدّواء مرْ, الدّاء أمرْ
إذا كان المتكلّم مهبول, يكون السّامع عاقل
إذا كان خصيمكْ القاضي لاشكون بشْ تشكي
إذا كان وليدكم إضربْ وليدنا، هكّا حال الصّغار، وإذا كان وليدنا ضرب وليدكمْ، يشومْ النهار
إذا وكلت شبع و اذا ضربت وجع
إلّي يبيعك بالفول، بيعا بالقشور
إلّي يسرق يغلب الي يحاحي
إلّي يتبع الحمام الجالي يروّح للمغاغر
يطلق هذا المثل على من يختلط باصحاب السوء
إلّي يتبع خطوة الحمام ينسى خطوتو
معناه من يحاول تغيير طباعه ينسى طباعه الاصلية و لا يتعلم الجديدة
إلّي يعمل الخيرْ ما يْشاورْش
إش يا ذبانة مافمة في الدنيا كان انا
تقال على الغرور
إلمغطي بمتاع الناس عريان
إذا فاتك الهدرا (الكلام) قول سمعت واذا فاتك الماكلا (الطعام) قول شبعت
إلّي ليك ليك و إللي خاطيك خاطيك
الربيع ربّع واللبن قراس، وإلّي عندو صبية يزوجها لترّاس .
إلّي في القلب في القلب...
إلّي يحسب وحدو يفضلو
إلّي ما قْرا ما دْرَى وإلّي ما تجوّل ما رَا
إذا كان الكلام فضّة، يكون السّكات ذهب
إذا بكِيتْ، إبْكِي حْذا المهمومْ، وإذا غنّيتْ، غنِّي حْذا المغروم
إجبد ما ترُدْ, الجبال تتهد
إلّي يعطي سلاحو يْموت بيه
إلّي ما فيه قلب يْموت سْمين مْعشعش
اللّي جابتو ساقيه العصا ليه
إحسبني كي خوك وحاسبني كى عدوك
إمشي بالنية وأرقد في الثنية
إسأل مجرب ولا تسأل طبيب
إضحك لدنيا تضحكلك
اخدم بصوردي وحاسب البطال
ا[عدل]



حنضل (حنضلة باللهجة التونسية)
الحنضلة ما تولي تفاحة و الخرشي ما تبان فيه ملاحة
معناه الشخص ذو الطباع السيئة مهما تصرفت معه برقي لا ينفع معه
المتنقلة مذبالة ولو تكون عروقها في الما
المحبّة ما آنحبّك والصّبر ما نصبر عليك
العروسة طويلة والباب قصير
النُخالة ما تصير دقيق والعدو ما يصير صديق
النّاس تعرف النّاس والخيل تعرف ركّابها
العظمة ماتقول طق كان كي فيها شق


العظمة (البيضة بالعربية الفصحى) ماتقول طق كان كي فيها شق
الشكارة والبحر
الشنقة مع الجماعة .. خلاعة
الفرزيط يزمّر والنميله تعمّر
الفهيم من غمزه والبهيم من همزه.
الفلوس تحيي النفوس... وطهّر المنجوس... وترد الشّايب عروس
الفم المغلوق ما تدخله ذبّانة
الحركة بركة والبطالة هلكة
القمح يدور, يدور ويرجع إلى قلب الرحى
الشّفايِفْ تْبوسْ، والقلوبْ فيها السُّوسْ
الماء الماشي للسدرة الزيتونة أولى بيه
العلم في الصغر كالنقش على الحجر
الزغاريد أكثر من الكسكسي
الشيب و العيب
الصحبة صحبة والنية ما فماش
الصوف يتباع بالرزانة
الطماع يبات ساري
الغيرة تذهب الشيرة
العزوزة هاززها الواد و هي تقول العام صابة
المخنوقة ضحكت على المذبوحة ياخي المصموطة ماتت بالضحك
المجراب تهمزو مرافقو
الماء اللي ماشي للسدرة الكرمة اولى بيه
الزلقة بفلقة
الله يطيح بينا من يرفق بينا
الإسم العالي والمربط الخالي
الكثرة وقلّة البركة
المليح يبطا
القرد في عين امو غزال
الله لا تقطعنا عادة
البغل تبدل و الكريطة هي هي
البير بير و الماجل ماجل و البوليس عمرو ما يولّي راجل
إسئل على صاحبك إستغناش إم الطبيعة هي هيا
الزمان تعكس الورد تقلع و البصل تغرس
الجرح يبرى يا صبرة و تغطيه الضميدة و كلمة السوء ياصبرة تمسّي و تصبح جديدة.
المتغطي بمتاع الناس عريان اللي متعدي على زرع الناس حط زرعة في الثنية الجمل هازز الحمل و القراد ينين الزنازة حامية و الميت كلب اللوم بعد القضاء بدعة


الحمام المكسور يرسي ع القصر الخالي
آش يخرج لعروسة من دار بوها
كان الضبع يجي حجام حتى الغولة تجي طبيبة


الباي باي حتى في شكارة
معناه مهما ساءت احوال الانسان ذو الهمة العالية والانفة يبقى دوما عزيزا
بَقْرَ الله في زَرْعْ الله
بعد ما شاب هزوه للكتاب


تبّع السّارقْ إلى بابْ الدّارْ
تعاركوا الخوات جدت على البهلولات




جاء يعاون فيه على قبر بوه هربلو بالفاس
اى استنجد به لاعانته فزاده تعب على تعب ومشاكل على مشاكل
جاي من تالي و يعيط يا مالي
جاب السيد من وذنه
جا كاري ولا ملاك
جاء يحرقسلها عماها


حانوت مسكّر ولاكرية مشومة
حمل الجماعة ريش
حوت يأكل حوت وقليل الجهد يموت
حلال عليكم، حرام علينا
حل الصرة تلقا خيط


خوذ العلم من روس الفكارن
خْبِير المُومِن قًلبو
خانتها ذراعها قالت مسحورة
تقال للذي لا يتقن تدبير شؤون أي علم ، فنراه يتعذّر بأسباب واهية .
خدمة بوه لا يعايروه
خدمة النهار ما فيها عار
خوذ الكلام اللي يبكيك، وما تاخوش الكلام اللي يضحكك
خيرنا ماشي الغيرنا
خوك خوك ولا يغرك صاحبك
خالتى و خالتك وتفرقت الخالات
خناب الدجاج حط يده على راسه




شربة تونسية
دزو خوه طاح في الشربة
دار خًر طُر تدقّ الباب يحلّوك الكل
دار الخلاء تبيع اللفت
دار بلا كبير كيف سانية بلا بير
دوام الحال من المحال


ذيل الكلب حطوه 100 سنة في قصبة طلع أعوج
دليل على فساد الطبع
ذيل الكلب حطو في القالب 40 سنة عمرو ما يتقد


راس الفرطاس قريب لربي
ربي يعرف ميمونة وميمونة تعرف ربي
رجعت حليمه، لعادتها القديمه
رضينا بالهم والهم مارضاش بينا


زيد الماء زيد الدقيق يقال للعمل غير المتقن الذي يطول دون فائدة بسبب غياب الخبرة
زيتنا في دقيقنا و خيرنا في خميرنا


سَبِّقْ الخِير تَلْقى الخِير
يقال في التفاؤل خيرا بما قد يحدث
سوّدْ وجْهك و قولْ راني فحّام
سارق وفي يدو شمعة




عريسة من جزيرة جربة التونسية بالحنة.
شوية مالحنة شوية من رطابة ليدين
شتاتك في ربيعها ووزرتك ما تبيعها
معناها أن الدنيا ممكن تبرد في أول أيام الربيع إذا ما تبيعش وزرتك يعني ( الغطاء) بلاكش تبرد الدنيا.
شد مشومك لا يجيك ما أشوم
شمس النوار تخلي الدوار
معناها شمس الربيع مضرة
شاقي ولا مرتاح


صنعة بوه لا يعايروه
الابن يرث مهنة ابيه


ضحكولو تمد على طولو
ضربني وبكى سبقني و شكى : الظالم يشتكي من المظلوم
الضحك ساعة والبكي مشوار
ضربها راجلها دارت على سلفها


عزوزة... وشدت سارق
عريان يسلب في ميت
عامل/اعمل روحك مهبول تعيش
عيطة و شهود على ذبيحة قنفود
عملوها لوزر وحلت فيها لبقر
عــين تــبــكــي وعــين فــي اســمــاعـــيـــل
عريان و في يده خوسة



فردة ولقات اختها
فليّش مع فليّس يولّي كديّس
فرحة و ما دامتش
في هاك السردوك نريشو
فتحوها الفيران، طاحوا فيها الثيران
في بلادك يعدّيك ساسك، وفي بلاد النّاس يعدّيك لباسك
في الزمان المعكوس، الذنابي تولّي روس، ويسكت المنيار ويتكلّم الخنفوس
فاش تمضغ يا جدّة؟ في علكة عامنوّل


القرد في عين أمو غزال
فيق يا شفيق
قال له : يا خالي آش تكون منّى؟ قال له: إذا ماتت أمّك، لا تكون منّي لانكون منّك
قالوا يا حما ماكنتش كنّه، قالت : كنت ونسيت
قالو للبغل شكون بوك, قاللهُم الحصان خالي
قالو شنوه إلي دخلك في الحيط يامسمار قالو من الهم إلي وريا
قالو يبابا هيا نوليو شرفا قالو حتى يموتو كبار إلحومة
قالولوا يا لعمى أش تحب قاللهم شكارة ضؤ قصوله يده جات صالحة للطنبور




وقع تسمية الباب بباب منارة نسبة إلى المشكاة التي كانت بجداره لهداية المارة في العهد الحفصي.
كي قنديل باب منارة ما يضوي كان على البراني
كان النّواحْ بالطَّلبة لا يرحمْ من مات
كانت تشخر زادت بف
كان صَاحْبْـك عْسَل ما تَلّحْسُوشْ الكُل
تقال لمن يستغلّ صديقه / المبالغة في استغلال الأصدقاء
كي سلُّومْ النصارى.. الطولْ والخسارة..
في زمن الإستعمار كانت كلمة النصارى وكذلك الروامة (الروم) تطلق على الفرنسيين والأروبيين عموما.. ويعني المثل : الشيء الفاقد للجدوى مع أهمية شكله
كي الزير المتّكّي... لا يضحّك ولا يبكّي...
يعني هذا المثل الفاقد للجدوى (مثل الزِّير وهو القلّة الكبيرة المستعملة للتخزين، المتّكّإ... لا يُضحِطك ولا يُبْكي)
كان النوم يكبر راهو كبر القطاطس
كان الكذب ينجّي .. الصدق أنجى وأنجى
كان المهبول ياكل ويبة العاقل ما يعطيهالوش.
كان الخو يحن علي خوه ما يبكي حد علي بوه .
كل من سمن يهزل وكل من طار ينزل
كل فول لاهي في نوّارو
يقال لمن يقول كلام و يعد بوعود و في الآخر لا ينفذ شيء


صورة قديمة لمرأة تونسية تكسكس الكسكسي
كسكسلو يرجع لأصلو
يشبه هذا المثل التونسي المثل العربي الطبع يغلب التطبع
كي الملح ما يغيب على طعام
الشخص الي تجده ندو رأي في كل المواضيع و حاضر في كل المناسبات
كيد الرجال كيدين و كيد النسا سطاش (ستة عشر)
كيف سيدي كيف جواده
كلام الليل مدهون بالزبدة تطلع عليه الشمس يذوب
كي إحتجتك يا وجهي خبشوك القطا طس
كنت بالهم القديم راضي، جاني الجديد زاد أمراضي
كان البومة فيها خير ما إخلفوها الصيادا
كثرت العموما في السنين المشومة




زهور الدفلة
لا يعجبك نوّار دفْلة في الواد عاملْ ضلايلْ ولا يعجبك زين طُفْلة حتّى تشوف الفعايل
لشكون تحرقس يا مرة اللعما
يستعمل هذا المثل خاصّة إذا كنت تخاطب شخصا لكنّه لا يصغي إليك و لايلقي لك بالا .
لا تجري جرية النعامة و لا تشابط سماء بيديك ما تاخذ الا ما يكتبلك وما تكسب الا ما يعطيك
معناه ان الاقسام والارزاق من عند الله سبحانه وتعالى و مهما بذل الانسان من جهد فإن الله هو الرزاق
اللي ليك ليك و اللي خاطيك خاطيك
اللي فيه طبة عمرها ما تتخبى
لا دخّلْ ايدِك للمغَاغيرْ لا تلسعكْ الِحنوشهْ
لا طاح و لا دزوه
لا ينفع في البالي ترقيع ولا في صاحب السوء عزاره
لسانك صوّانك، إذا صنته صانك وإذا خنته خانك
لا حر خير من حر ولا حدْ باباه باشا
لقى مدينة خالية، قام فيها الآذان
لو تلبس من الذهب صريمة ما نراك كان بالعين القديمة
لقات راجل و تلوج على عينيه
لقاها تبكي من هم الرجال قلها أسكتي تو ناخذك




ما يْحِس الجَمرة كان الِّي يعْفَسْ عليها
ما يْحِس الجَمرة كان الِّي يعْفَسْ عليها..
الألم لا يشعر به إلا صاحبه الذي يعيشه
ما ناقص المشنوق كان ماكلة الحلوى
مخيبك يا صنعتي عند غيري
مَا يْـلِزْ لِلْمُر كان إِلِّي أَمَر مِنُّو
يْلِزْ = يدفع / ما يدفع للمرّ إلاّ ما هو امرّ منه
مايقولوش : قدّاش غاب؟ يقولو : آش جاب
ماذا كليتى لوح يا براكة.
من القوت كسيوا الياقوت و على القوت باعو الياقوت
معناه انالاقتصاد و حسن التصرف يكسبك الكنوز و المصاريف المبالغ فيها تفقد المرء ثروته
ما تاخوش هجّآلة و كان يبدى خدّها مشموم، قد ما تكركر و تجيب تقلّك يرحم المرحوم
مسو تسمع حسو
من فم البير ولا من قاعو
ما يقعد في الواد كان حجرو
مطر مارس ذهب خالص
مهبولة و زغرتولها في وذنها
من كثرة الرّياس تغرق السفينة
مرض القلق لاحمّى لا عرق
ماذا من متهوم في الباطل شنقوه, وماذا من قتّال سترْ اللّه غطاه
ما يغلب السّارق كان القطعي
ما توصّي يتيم علي نواح
مياة غربال ما يميْلوش العديلة
ما خصّ المشنوق كان ماكلة الحلوى
ما كحّلت العمشاء، كان العرس وفا
وفا يعني انتهى، يقال المثل لمن تأخر في الاستعداد لشيء حتى يخشى فواته
آش يسلّك بقرة من الطّين
مبركك يا راجل امي لوّل .
مايغلبك كان اللي يقولك أعطيني متاعي


نحي من الجابية حط في الخابية
نهَيّرْ من عندْ عمّك فُورَايرْ
فوراير هو شهر فيفري/ فبراير في التقويم العجمي في تونس و يشتهر بتقلب الطقس فيه فالمثل يعني يوم متقلب و طقس سيئ
مطر أفريل اطلع السبولة من قاع البئر


هوَ يْغَنّي وجْنَاحُو يْـرُدْ عَـلِيهْ...
تقال لمن لا يُسمع له كلام
هرب من قطرة جا تحت الميزاب
اي هرب من مأزق صغير ليقع في مزق كبير


واحد يشتهيه و لاخر يلعب به
واحد يحلب و واحد يشد إلمحلب
ولد البط عوام
الطفل يتعلم هوايات ابيه
ولد الفار يطلع حفار
وقت الدبارة تكثر النّاس ووقت الحاجة ماتلقى حد
وكرك وكرك ولو على عود يابس




أستعمل مثل ­« يحبوها سباقة و جراية و ماتاكلش الشعير » في إشهار لنوع من الدراجات النارية لتبين فاعليتها.
يحبوها سباقة و جراية و ماتاكلش الشعير
يد وحدة ما تصفقش
يشعل النار و يقول الدخان منين ؟
يعطي الفول للي ما عندوش ظروس
يعمل من الحبة قبة
أي يقوم بتهويل أمر بسيط
يا مزيّن من برة اش حالك من داخل
ياكل في الغلة ويسب في الملة
يلى لاهي بهم الناس همك يمشوم أكداس قالو نتلها بهم الناس وهمي نكريلو تراس

يا مكثّر الأصحاب يا متلّف خيارهم